Білім беру гранттарының конкурсын өткізу қорытындысы бойынша ақпарат:
Қазақстан Республикасы Үкіметінің 2008 жылғы 23 қаңтардағы N 58 «Бакалавр немесе «магистр» дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру ережелерін бекіту туралы» қаулысына сәйкес «Бакалавр» дәрежесі берілетін жоғары білім алуға ақы төлеу үшін республикалық бюджет қаражаты есебінен білім беру гранттары (бұдан әрі – жоғары білімнің білім беру гранттары) оқуға түсушілер мәлімдеген білім беру бағдарламалары топтарының кезектілігіне сәйкес білім беру грантын беру туралы куәлік беріледі.
Білім беру гранттарын беру жөніндегі конкурсты өткізу үшін білім беру саласындағы уәкілетті орган республикалық конкурстық комиссия (бұдан әрі – республикалық комиссия) құрады.
Конкурсқа өтініштер қабылдау нәтижесінде 79 086 талапкерден өтініштер келіп түсті. Күндізгі толық оқыту нысаны бойынша – 77 532, күндізгі қысқартылған оқыту нысаны бойынша – 1554.
Талапкерлер конкурсқа 2022 жылдың 16 мамыры мен 5 шілдесі аралығында өткен ұлттық бірыңғай тестілеу (бұдан әрі – ҰБТ) сертификатының бірімен қатысты. Осы біріктірілген өтініштер саны бойынша басым құқығы мен жеңілдіктері (квота) саны:
- «Алтын белгі» белгісінің иегерлері – 6536 (2021 жылы –8313), оның ішінде 5435 білім беру гранты иегерлері атанды;
- «Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарының білім туралы құжаттары бар, біліктілігін растаған және мамандығы бойынша кемінде бір жыл жұмыс өтілі бар тұлғалар» - 98 (2021 жылы – 125), оның ішінде 79 білім беру гранты иегерлері атанды;
– Халықаралық және республикалық олимпиадалардың, ғылыми жарыстардың, орындаушылық конкурстар мен спорттық жарыстардың жеңімпаздары - 901 (2021 жылы – 1451), оның ішінде 436 білім беру гранты иегерлері атанды;
- Ұлы Отан соғысы ардагерлері мен мүгедектеріне жеңілдіктер мен кепілдіктер бойынша – 53 (2021 жылы – 82), оның ішінде 46 білім беру гранты иегерлері атанды;
Сондай-ақ, конкурста:
- жетім балалар және ата-аналарының қамқорлығынсыз қалған балалар, сондай-ақ кәмелеттік жасқа толғанға дейін ата-анасын жоғалтқан немесе ата-анасының қамқорлығынсыз қалған жастар саны - 586 (2021 жылы – 641), оның ішінде 579 білім беру гранты иегерлері атанды;
- I және II топтағы мүгедектер, бала кезінен мүгедектер, мүгедек балалар саны - 513 (2021 жылы – 514), оның ішінде 497 білім беру гранты иегерлері атанды;
- кәмелетке толмаған төрт және одан көп бала тәрбиелеп отырған отбасылардағы балалар саны –18554, оның ішінде 13 644 білім беру гранты иегерлері атанды;
- кемінде үш жыл толық емес отбасы мәртебесі бар отбасылардағы балалар саны –9462, оның ішінде 6 401 білім беру гранты иегерлері атанды;
- бала кезінен мүгедек балаларды, бірінші және екінші топтардағы мүгедектерді тәрбиелеп отырған отбасылардағы балалар саны –1509, оның ішінде 1187 білім беру гранты иегерлері атанды;
- Қазақстан Республикасының азаматтары болып табылмайтын, ұлты қазақ тұлғалар – 721 (2021 жылы – 733), оның ішінде 654 білім беру гранты иегерлері атанды;
- Ауылдың әлеуметтік-экономикалық дамуын айқындайтын білім беру бағдарламалары бойынша оқуға ауыл жастары арасынан шыққан азаматтар үшін квота жобасы бойынша конкурсқа түсетін тұлғалар саны – 5120 –ны (2021 жылы –22 612) құрады, оның ішінде 670 білім беру гранты иегерлері атанды.
Сонымен қатар, SAT сертификатының 90 иегері, сондай-ақ ACT сертификатының 3 иегері грантқа ие болды.
Конкурстың қорытындысы бойынша 56 375 адам білім беру гранты иегерлері атанды. Оның ішінде күндізгі толық оқыту нысаны бойынша-55 162, күндізгі қысқартылған оқыту нысаны бойынша-1213 адам.
Нормативті-құқықтық актілерге сәйкес студенттер қатарына қабылдау жоғары оқу орындарының қабылдау комиссияларымен 2022 жылғы 25 тамызға (қоса есептегенде) дейін жүзеге асырылды.
Қабылдау кезінде оқуға түсуші грант иегері бола отырып, білім беру бағдарламаларының тиісті тобынан білім беру бағдарламасын таңдау мүмкіндігіне ие болды.
Мысалы, «Химия мұғалімдерін даярлау» білім беру бағдарламаларының тобы бойынша грант иегері қабылдау кезінде оқуға түсуші «Химия» немесе «Химия-Биология» бойынша білім беру бағдарламасын таңдай алды.
Білім беру гранттары игерлерінің электрондық куәлігін https://grant.testcenter.kz/search сілтемесі арқылы жүктеуге қолжетімді.
Барлық құқық қорғалған
Астана қ.,
Родниковый көшесі 1/1
ҰБТ/ЕНТ: +7 (7172) 69 52 80, 69 50 96, 69 52 87
ПББ/ОЗП: +7 (7172) 69 52 63, 69 52 88, 97 81 85, 69 52 91
Магистратура: +7 (7172) 69 50 97, 69 50 98
Апелляция ҰБТ/ЕНТ: +7 (7172) 69 52 78
Апелляция ПББ/ОЗП: +7 (7172) 69 52 58, 69 52 94
Апелляция (Магистратура) +7 (7172) 69 52 66
ҚАЗТЕСТ: kazakhtest.kz
Кеңсе: +7 (7172) 69 52 67
Мемлекеттік сатып алу: +7 (7172) 69 50 86
Бухгалтерия: +7 (7172) 97 81 82