KZ RU EN
Ұлттық тестілеу орталығы


Халықаралық ынтымақтастық бөліміне қош келдіңіз!


       Халықаралық ынтымақтастық аясында Ұлттық тестілеу орталығы 2007 жылдан бастап Білім беруді бағалаудағы халықаралық қауымдастықтың (International Association for Educational Assessment IAEA) мүшесі болып табылады. https://iaea.info/  

          2007 жылы «Білім сапасын бағалау аясындағы ынтымақтастық туралы» Әзірбайжан Республикасы Талапкерлерді қабылдау жөніндегі мемлекеттік комиссиясы, http://tqdk.gov.az/ Ресей Федерациясының Білім беру саласындағы Ұлттық аккредитациялық агенттігі мен Ұлттық тестілеу орталығы арасында  келісімшартқа  қол қойылды. www.nica.ru

      2010 жылдан бастап ҰТО «Атакент» көрме компаниясының ұйымдастыруымен өткізілетін «Білім және Мансап» атты Қазақстандық халықаралық көрмелерге қатысады.

    2013 жылдан бастап Ұлттық тестілеу орталығы Білім беру сапасын бағалаудың Еуразиялық қауымдастығының мүшесі. http://eaoko.org/ru/

          2013 жылғы 15 қарашада Ұлттық тестілеу орталығы мен TOMER Орталығының (Түрік Республикасы, Анкара қаласы, Гази Университеті, түрік тілін оқыту, зерттеу және қолдану орталығы) арасында ынтымақтастық туралы меморандумға қол қойылды. http://tomer.gazi.edu.tr/

      2014 жылы  «Экономика жоғары мектебі» Ұлттық зерттеу университеті мен Ұлттық тестілеу орталығының арасында ынтымақтастық туралы меморандумға қол қойылды. https://www.hse.ru/

       2020 жылы Ұлттық тестілеу орталығы Cambridge  Assessment компаниясымен  сарапшылар мен әзірмешілерге арналған тренингтер туралы және Қазақстандағы Британдық Кеңес British council компаниясымен Ұлттық тестілеу орталығы арасында меморандумға қол қойылды. https://www.cambridgeassessment.org.uk/https://www.britishcouncil.kz/ru

            2023 жылы наурыз айында Педагогикалық өлшем институтымен (CITO, Нидерланды) серіктестік туралы меморандумға қол қойылды. https://www.cito.com/.

          2023 жылы сәуір айында "IDP IELTS Australia" австралиялық ұйымының акрредиттеуі негізінде әрекет ететін  "IDP IELTS Kazakhstan" Емтихан орталығымен ынтымақтастық туралы меморандум жасалды. https://ielts.kz/