ПББ тапсыру үдерісі

Тестілеуден өту үшін:

• Мұқият болып, тыйым салынған заттарды, оның ішінде ұялы телефондар, смарт-сағаттар, смарт-көзілдіріктер, фитнес-білезіктер, сымды және сымсыз құлаққаптар, фотоаппараттар және т. б. кіреберісте орналасқан жәшіктерде қалдырыңыз;

• Арка тәрізді және қол металл іздегіштен өтіңіз;

• Face ID арқылы биометриялық сәйкестендіруден өтіңіз. Сәйкестендіру планшеті аудитория нөмірін және орныңызды көрсетеді;

• Өз орныңызға отырғаннан соң тестілеу түрін таңдап, ЖСН енгізіп, фронталды веб-камера арқылы жеке басты сәйкестендіруден өткізіңіз;

• Жеке деректерді және тестілеу параметрлерін тексеріп, оларды растаңыз,  тестілеу ережелерімен танысып, келісіңіз;

• Тестілеуді бастаңыз.

• Тестілеуді толық аяқтап, өз нәтижеңізбен танысу үшін міндетті түрде алдыңғы веб-камера арқылы идентификациядан өтіңіз.

Маңызды: Сізге 1 парақ А4 қағазы беріледі, олармен алмасуға және аудиториядан шығаруға болмайды!

❌ Бұдан басқа, тестілеу кезінде:

• аудиториядан рұқсатсыз және сүйемелдеусіз шығуға;

• аудиториядан 10 минуттан артық шығуға;

• сөйлесуге, орын ауыстыруға;

• тестілеу кезінде шулауға;

• тест тапсырмаларының мазмұнын талқылауға және жариялауға;

• тестілеу жүйесіне сырттан араласуға;

• техниканы қасақана бүлдіруге тыйым салынады.