ҰЛТТЫҚ ТЕСТІЛЕУ ОРТАЛЫҒЫ БІЛІМ БЕРУ САЛАСЫ АЯСЫНДА ТӘЖІРИБЕ АЛМАСУ МАҚСАТЫМЕН ӘЗІРБАЙЖАН ДЕЛЕГАЦИЯСЫН ҚАБЫЛДАДЫ

Ұлттық тестілеу орталығына Әзірбайжан Республикасының Мемлекеттік студенттерді қабылдау жөніндегі комиссиясының өкілдері келді. Кездесу барысында тараптар тест тапсырмаларын әзірлеу және тестілеуді өткізу барысындағы өзара қарым-қатынас пен тәжірибе алмасу мәселелерін талқылады.

Білім беруді бағалаудың объективтілігі мен сапасын қамтамасыз етудің негізгі аспектілері болып табылатын тест тапсырмалары мен педагогикалық өлшемдердің дерекқорын қалыптастыру мәселелеріне ерекше назар аударылды. Ұлттық тестілеу орталығының директоры Болатбек Абдрасилов Қазақстанда қолданылатын озық әдістемелермен және тәжірибелерімен бөлісті. Өз кезегінде, Мемлекеттік студенттерді қабылдау жөніндегі комиссия төрағасының орынбасары Намик Бабаев Әзірбайжанда қолданылатын тәсілдерді таныстырып, ынтымақтастықты тереңдетуге ниет білдірді.

Талқылау барысында тараптар ортақ тіл тауып, бірлескен жұмыстың перспективалық бағыттарын талқылады. Мұндай өзара қарым-қатынас Қазақстанда да, Әзірбайжанда да білім беру сапасын арттырудағы маңызды қадам болуы мүмкін.

Кездесуді қорытындылай келе, тараптар өзара диалогты жалғастыруға және жобаларды бірлесіп әзірлеуге келісті. Қатысушылардың ойынша, бұл келісім халықаралық байланыстарды нығайтып, екі елдің білім беру жүйелерін жетілдіреге елеулі үлесін қосады.

ҚР ҒЖБМ Ұлттық тестілеу орталығының баспасөз қызметі