28.07.2025

Қазіргі таңда КТ-ны 22 мыңға жуық адам тапсырды.

Оның ішінде:
-ғылыми-педагогикалық бағыт бойынша түсушілердің 50%-ы, бейінді бағыт бойынша 22%-ы шекті балл жинады;
-ғылыми-педагогикалық бағыт бойынша орташа көрсеткіш 77 балды құраса, бейінді бағыт бойынша 24 балл болды;
-139 балл – ең жоғары көрсеткіш.

Ереже бұзғаны үшін 54 адамның нәтижелері жойылды. Атап өтсек:
-тестілеуге кіргізу барысында тыйым салынған заттарды алып өтуге тырысқаны үшін 32 оқуға түсуші КТ тапсыру мүмкіндігінен айырылды;
-тестілеу барысында тыйым салынған заттарды пайдаланғаны үшін 21 адам шығарылды;
-1 бөгде тұлға анықталды.

Естеріңізге сала кетейік, магистратураға түсуге арналған КТ 21 шілдеде басталып, 7 тамызға дейін жалғасады.

Грант конкурсына құжаттарды қабылдау 12-18 тамыз аралығында жүзеге асырылады, ал грант иегерлерінің тізімі 25 тамызға дейін жарияланады. Болашақ магистранттардың ЖЖОКБҰ-на қабылдануы 28 тамызға дейін аяқталады.