Назарларыңызға наурыз айындағы ҰБТ-ның аралық қорытындыларын ұсынамыз.

Наурыз айындағы ҰБТ басталғалы бері 88 мыңға жуық адам тест тапсырды.

Оның ішінде:

• талапкерлердің 72%-ға жуығы шекті балл жинады;

• орташа балл – 65 балл (бес пән бойынша);

• ең жоғары балл – 139 балл;

• ерекше білім беру қажеттілігі бар 232 талапкер қатысты.

Ереже бұзғаны үшін 121 адамның нәтижесі жойылды. Атап өтсек:

• тыйым салынған заттарды алып өту әрекеті салдарынан 43 талапкер тест тапсыру мүмкіндігінен айырылды;

• тестілеу кезінде ережелерді бұзғаны үшін аудиториядан 55 адам шығарылды;

• бейнежазбаларды қайта қарау нәтижесінде 23 адамның нәтижесі жойылды;

• бөгде тұлғалар анықталған жоқ.

Қатысушылардың 18,1%-ы «Математика-Физика» комбинациясын, 14,8%-ы «Биология-Химия», 12,6%-ы «Шығармашылық емтихан» комбинациясын таңдаған.

Естеріңізге сала кетейік, наурыз айындағы ҰБТ 6 сәуірге дейін өтеді.