Назарларыңызға қаңтар айындағы ҰБТ-ның аралық қорытындыларын ұсынамыз

Қаңтар айындағы ҰБТ басталғалы бері 126 мыңға жуық адам тест тапсырды.

Оның ішінде:

-    талапкерлердің 72%-ға жуығы шекті балл жинады;

-    орташа балл – 67 балл;

-    ең жоғары балл – 138 балл;

-    ерекше білім беру қажеттілігі бар 295 талапкер қатысты.

Ереже бұзғаны үшін 142 адамның нәтижесі жойылды. Атап өтсек:

-    тыйым салынған заттарды алып өту әрекеті салдарынан 89 талапкер тест тапсыру мүмкіндігінен айырылды;

-    тестілеу кезінде ережелерді бұзғаны үшін аудиториядан 53 адам шығарылды;

-    бөгде тұлғалар анықталған жоқ.

Қатысушылардың 17,8%-ы «Биология-Химия» комбинациясын, 17,2%-ы «Математика-Физика», 10,4%-ы «Математика-Информатика» комбинациясын таңдаған.

Естеріңізге сала кетейік, қаңтар айындағы ҰБТ 10 ақпанға дейін өтеді.