9 желтоқсанда магистратураға түсу үшін грант конкурсына құжаттар қабылдау басталады. Ол 13 желтоқсанға дейін жоо-лардың қабылдау комиссиялары (офлайн), сондай-ақ виртуалды қабылдау комиссиялары (онлайн) арқылы өтеді.

Конкурсқа қатысу үшін тапсыру керек құжаттарды тағы бір мәрте естеріңізге түсіре кетейік:

-жеке куәліктің көшірмесі;

-жоғары білімі туралы құжат (диплом және қосымшасы);

-КТ сертификаты;

-халықаралық сертификаттар (бар болған кезде).

Атап өтейік, грант иегерлерінің тізімі 25 желтоқсанға дейін жарияланады. Болашақ магистранттардың оқуға қабылдануы 26 желтоқсан мен 2025 жылдың 10 қаңтары аралығында жүргізіледі.

Қапы қалмаңыздар!