24.10.2024

ХАЛЫҚАРАЛЫҚ ҒЫЛЫМИ-ПРАКТИКАЛЫҚ КОНФЕРЕНЦИЯ «ҰБТ-ҒА 20 ЖЫЛ: ТЕСТІЛЕУ АРҚЫЛЫ БІЛІМ БЕРУДІ ТРАНСФОРМАЦИЯЛАУ»

2024 жылғы 30-31 қазанда Ұлттық тестілеу орталығы «ҰБТ-ға 20 жыл: тестілеу арқылы білім беруді трансформациялау» атты халықаралық ғылыми-практикалық конференциясын өткізеді. Конференцияның ашылу салтанатына Қазақстан Республикасы Ғылым және жоғары білім министрлігі мен Оқу-ағарту министрілігінің басшылығы,«Educational Testing Service» ETS (АҚШ), «AQA» (Ұлыбритания), National Foundation For Educational Research (NFER) (Ұлыбритания), Dutchtestologis (Нидерланды), «TÖMER» орталығы (Түркия), Vantage Labs компаниясы (АҚШ) сынды тестология саласындағы әлемнің жетекші компанияларының басшылары мен өкілдері, Еуразия білім беру сапасын бағалау қауымдастығының өкілдері, Ресей, Өзбекстан, Қырғызстан, Әзербайжан, Тәжікстан, Армения елдерінің емтихан орталықтарының өкілдері, сондай-ақ бағалау технологиялары мен педагогикалық өлшемдер саласындағы отандық ғалымдар мен мамандар қатысады. Іс-шараның мақсаты – халықаралық сарапшыларды біріктіріп, білім берудің нәтижелерін бағалау, білім сапасын арттыру, жасанды интеллект пен білім беруді бағалаудағы жаңа технологиялар сияқты маңызды тақырыптар бойынша әлемдік тәжірибе мен жетістіктермен бөлісу. Конференцияның секциялық отырыстары аясында жетекші отандық және шетелдік практик-ғалымдар өз кейстерін ұсынып, іс-шараға қатысушылармен бірегей тәжірибелерімен бөліседі.