31.07.2024

Сіздерден ҰБТ сертификатысыз жоғары оқу орнына қалай түсуге болатыны туралы сұрақтар жиі келіп түседі.

Қайырлы күн, достар! Сіздерден ҰБТ сертификатысыз жоғары оқу орнына қалай түсуге болатыны туралы сұрақтар жиі келіп түседі. Бұл мүмкін емес, дегенмен -барлық ҰБТ-да (қаңтар, наурыз, негізгі немесе тамыз) қажетті шекті балл жинамаған болсаңыз, -ҰБТ сертификатыңыз жойылған болса, -ҰБТ-да тапсырмаған пән бойынша мамандыққа (Мысалы, «Математика-Физика» комбинациясын тапсырдыңыз, бірақ «Математика-География» мамандығына түскіңіз келеді) түскіңіз келсе, - онда Сіз жоғары оқу орындарына ШАРТТЫ ТҮРДЕ АҚЫЛЫ НЕГІЗДЕ оқуға түсе аласыз. Оқуды жалғастыру үшін 2025 жылы ҰБТ тапсырып (қаңтар, наурыз, негізгі немесе тамыз), шекті балл жинау керек. Барлық жоо-лар шартты негізде қабылдамайды. Жоо-ның шартты негізде қабылдайтынын немесе қабылдамайтынын жоғары оқу орындарының қабылдау комиссияларынан анықтай аласыз. Олардың байланыс нөмірлері Telegram арнамызда жарияланған. Маңызды: АҚЫЛЫ НЕГІЗДЕ оқуға түсу үшін шекті балл жинаған 5 ҰБТ сертификатының (қаңтар, наурыз, негізгі немесе тамыз) кез келгенін пайдалануға болады. Ақпарат пайдалы болды деп үміттенеміз! Сәттілік!