29.07.2024

Магистратураға түсуге арналған кешенді тестілеудің аралық нәтижелері

Қазіргі таңда КТ-ны 24 мыңға жуық адам тапсырды.

Оның ішінде:
- 43% тест тапсырушы шекті балл жинады;
- 75 балл – орташа балл;
- 130 балл – ең жоғары көрсеткіш.

Ереже бұзғаны үшін 84 адамның нәтижелері жойылды. Атап өтсек:
- тестілеуге кіргізу барысында тыйым салынған заттарды алып өтуге тырысқаны үшін 54 оқуға түсуші КТ тапсыру мүмкіндігінен айырылды;
- тестілеу барысында тыйым салынған заттарды пайдаланғаны үшін 28 адам шығарылды;
- 2 бөгде тұлға анықталды.

Естеріңізге сала кетейік, магистратураға түсуге арналған КТ 20 шілдеде басталып, 6 тамызға дейін жалғасады.

Грант конкурсына құжаттарды қабылдау 12-15 тамыз аралығында жүзеге асырылады, ал грант иегерлерінің тізімі 25 тамызға дейін жарияланады. Болашақ магистранттардың ЖЖОКБҰ-на қабылдануы 28 тамызға дейін аяқталады.