03.05.2023

Ұлттық тестілеу орталығының филиал қызметшілеріне сыбайлас жемқорлыққа қарсы іс-қимыл бойынша семинар өткізілді

2023 жылдың 16 мамыр мен 5 шілде аралығында аймақтық тестілеу орталықтарында өткізілетін электронды ҰБТ-ға жұмылдырылатын Ұлттық тестілеу орталығының филиал қызметшілеріне сыбайлас жемқорлыққа қарсы іс-қимыл бойынша семинар өткізілді.
Іс-шараның мақсаты сыбайлас жемқорлық жасауға ықпал ететін себептер мен жағдайлардың алдын алу және болдырмау, Қазақстан Республикасының «Сыбайлас жемқорлыққа қарсы іс-қимыл және ҚР мемлекеттік қызметі туралы» заңнамасын бұзушылықтарға жол бермеу болып табылады.
Семинарда Қазақстан Республикасының Сыбайлас жемқорлыққа қарсы іс-қимыл агенттігінің алдын алу қызметінің аса маңызды істер жөніндегі офицері Жылкышиева Жазира Жаксылыковна баяндама жасады.
Семинарға қатысушылар аталған тақырып бойынша пікірлерін білдіріп, тиімді нәтижелерге қол жеткізу үшін өз ұсыныстарын айтты.