27.01.2023

Қаңтар айындағы ҰБТ-ның аралық қорытындылары

Қаңтар айындағы ҰБТ басталғалы бері 57 мың адам тест тапсырды.
Оның ішінде: талапкерлердің 78% – ға жуығы шекті балл жинады; орташа балл – 70 балл; ерекше білім беру қажеттілігі бар 93 бала қатысты. Ереже бұзғаны үшін 93 адамның нәтижелері жойылды. Атап өтсек:
смартфон, шпаргалка және басқа да тыйым салынған заттарды алып өту әрекеті салдарынан 36 талапкер тест тапсыру мүмкіндігінен айырылды; тестілеу кезінде ережелерді бұзғаны үшін аудиториядан 57 адам шығарылды; бөгде тұлғалар анықталған жоқ. Қатысушылардың басым бөлігі, яғни 19%-ы «Математика-физика» және 18%-ы «Биология-Химия» пәндер комбинациясын таңдаған. Сондай-ақ IT бағыттарына түсуге қажетті жаңа «Математика-Информатика» комбинациясын ҰБТ-ға қатысушылардың 9%-ы тапсырған.
Естеріңізге сала кетейік, қаңтар айындағы ҰБТ 10 ақпанға дейін өтеді. Қорытынды мәліметтер сол уақытта жарияланады.