11.07.2022

ҰЛТТЫҚ БІЛІКТІЛІК ТЕСТІЛЕУІНІҢ ШЕКТІ БАЛДАРЫ ТУРАЛЫ

Сіздердің назарларыңызға Ұлттық біліктілік тестілеуінің шекті балдары туралы ақпарат ұсынамыз.
Шекті балдармен мұқият таныс болуларыңызды сұраймыз.
МАҢЫЗДЫ:
Педагогтер ҰБТ-ны (НКТ) күнтізбелік жыл ішінде екі рет, бір рет тегін, екінші рет ақылы негізде тапсыра алады.
Естеріңізге сала кетейік, ҰБТ-да (НКТ) педагогтер 250-300 сөзден тұратын эссе жазады.
Берілетін уақыт – 60 минут. Жазылған эссе бағаланбайды.
Эссені колледж және жоғары оқу орындарының түлектері, сондай-ақ білім беру ұйымдарының басшылары жазбайды.
ҰБТ-ның жалпы уақыты 3 сағат 30 минутты (210 минут) құрайды;
«Математика», «Физика», «Химия», «Информатика» пәндері үшін – 4 сағат (240 минут);
«Мектепке дейінгі білім беру» және «Қосымша білім беру» бағыттары үшін – 2 сағат (120 минут).