8 800 080 71 77
info@testcenter.kz

2019 ж. тамыз ҰБТ нәтижесі
Мектеп түлектері мен талапкерлергеБілім беру гранттарын беру бойынша конкурс

2019 жылғы білім беру грантын тағайындау бойынша

Құрметті талапкер!

2019 жылдан бастап білім беру гранттары маусым айында өткізілетін ҰБТ сертификатының балдарына сәйкесконкурстық негізде берілетін болады.

Білім беру гранттары білім беру бағдарламаларының топтары бойынша бейіндік пәндер комбинациясына сәйкес бөлінетін болады.

Білім беру бағдарламасы – оқытудың мақсатын, нәтижелері мен мазмұнын, білім беру процесін ұйымдастыруды және оларды іске асыру тәсілдері мен әдістерін, оқыту нәтижелерін бағалау өлшемшарттарын қамтитын білім берудің негізгі сипаттамаларының біртұтас кешені.

Білім беру бағдарламаларының топтары – даярлау бағыттары бейінінің ортақтығымен біріктірілген және белгілі білім беру саласы шеңберінде кадрлар даярлауды қамтамасыз ететін білім беру бағдарламаларының жиынтығы.

Білім беру бағдарламаларының тобына жоғары оқу орнының бір немесе бірнеше білім беру бағдарламалары кіреді. Барлығы 97 білім беру бағдарламаларының  тобы бар.

Бейіндік пәндер комбинациясы сәйкес келген жағдайда, Сізге білім беру грантын тағайындау конкурсында төртке дейін білім беру бағдарламаларының тобын таңдау мүмкіндігі беріледі.

Мысалы, «Биология» + «Химия» бейіндік пәндер комбинациясымен Сіз:

  • «Химия мұғалімдерін даярлау»;

  • «Биологиялық және сабақтас ғылымдар»;

  • «Ветеринария»;

  • «Жалпы медицина» сияқты білім беру бағдарламалары топтарын таңдай аласыз.

Егер Сіз шығармашылық даярлауды талап ететін білім беру бағдарламасы тобын таңдасаңыз, білім беру грантын тағайындау конкурсында Сізге бір білім беру бағдарламаларының тобынтаңдау мүмкіндігі беріледі.

Мысалы, «Шығармашылық емтихан» + «Шығармашылық емтихан» комбинациясымен Сіз «Бастапқы әскери дайындық мұғалімдерін даярлау» сияқты бір білім беру бағдарламаларының тобын таңдай аласыз.

Білім беру бағдарламалары топтарының тізімімен келесі сілтемеден таныса аласыз.

Білім беру бағдарламалары топтары бөлінісіндегі гранттар саны бекітілгеннен кейін жоғары оқу орындары іске асыратын білім беру бағдарламаларының тізіліміне сілтеме жасай отырып, ҚР БҒМ және Ұлттық тестілеу орталығының сайттарында орналастырылатын болады.

Сіз грант иегері бола отырып, жоғары оқу орнына қабылдау кезінде білім беру бағдарламаларының тиісті тобынан нақты білім беру бағдарламасын таңдайсыз.

Мысалы, «Химия мұғалімдерін даярлау» білім беру бағдарламаларының тобы бойынша грант иегері бола отырып, жоғары оқу орнына қабылдау кезінде Сіз «Химия» немесе «Химия-Биология» бойынша білім беру бағдарламасын таңдай аласыз.

Білім беру бағдарламалар статистикасы. 20 шілде 2019 жыл



  • МЕКТЕП ТҮЛЕКТЕРІ МЕН ТАЛАПКЕРЛЕРГЕ
  • СТУДЕНТТЕРГЕ
  • ДОКТОРАНТУРА МЕН МАГИСТРАТУРАҒА ТҮСУШІЛЕРГЕ
  • ОҚУШЫЛАР МЕН ПЕДАГОГИКАЛЫҚ ҚЫЗМЕТКЕРЛЕРГЕ