8 800 080 71 77
info@testcenter.kz

ҰБТ-ҒА АЛДЫН-АЛА ӨТІНІШ БЕРУ
Мектеп түлектері мен талапкерлергеБілім беру гранттарының конкурсын өткізу қорытындысы бойынша ақпарат

2019 жылдың білім беру гранттарының конкурсын өткізу қорытындысы бойынша ақпарат

Қазақстан Республикасы Үкіметінің 2008 жылғы 23 қаңтардағы № 58 қаулысымен бекітілген (Қазақстан Республикасы Үкіметінің 2019 жылғы 04 шілдедегі №473 қаулысымен өзгерістер мен толықтырулар енгізілді) "Бакалавр" немесе "магистр" дәрежелері берілетін жоғары немесе жоғары оқу орнынан кейінгі білім алуға ақы төлеу үшін білім беру грантын беру ережелеріне сәйкес ағымдағы жылы конкурсқа өтініш қабылдау 13-20 шілде аралығында 101 ЖОО-ның қабылдау комиссияларымен жүргізілді. Ағымдағы жылы мемлекеттік тапсырыс бойынша оқуға қабылдау мүмкіндігіне 103 ЖОО ие болды (2018 жылы ЖОО - 94).

       Конкурсқа 64452 талапкер өтініш берді, оның ішінде 52583 адам қазақ тілінде, 11782 орыс тілінде және 87 адам ағылшын тілінде (2018 жылы 75 429 үміткер (оның ішінде 60597 адам қазақ тілінде, 14828 орыс тілінде және 4 адам ағылшын тілінде) болды.

        Республикалық конкурстық комиссия жұмысының қорытындысы бойынша білім беру гранттары тағайындалды.

        Конкурсқа қатысу үшін оқуға түсушілер маусым айында өткізілген Ұлттық бірыңғай тестілеу нәтижелерінің сертификатын пайдаланды.

        Білім беру гранттарын тағайындау кезінде келесі санаттағы тұлғалардың балдары тең болған жағдайда басым құқыққа ие болды:

·      «Алтын белгі» төсбелгісінің иегерлері – 5825 адам (2018 ж. – 4327);

·      біліктілігін растаған және мамандығы бойынша кемінде бір жыл жұмыс өтілі бар колледж түлектері – 173 адам (2018 ж. – 245);

·      жалпы білім беру пәндері бойынша республикалық, халықаралық  олимпиадаларының жеңімпаздары – 224 адам (2018 ж. – 140);

·      республикалық, халықаралық ғылыми жарыстарының жеңімпаздары – 128 адам (2018 ж. – 170);

·      республикалық, халықаралық спорт жарыстарының жеңімпаздары – 380 адам (2018 ж. – 363);

·      Президенттік олимпиаданың 8 жеңімпазы (2018 ж. – 6) грант алды.

       Жетiм балалар мен ата-анасының қамқорлығынсыз қалған балалардың, сондай-ақ кәмелетке толғанға дейін ата-аналарынан айырылған немесе ата-анасының қамқорлығынсыз қалған жастар қатарындағы Қазақстан Республикасы азаматтарының 552-і білім беру грантының иегері болды.

        I-II топтағы мүгедек, бала кезден мүгедек, мүгедек-балалар, жетім балалар және ата-аналарының қамқорлығынсыз қалған балалар категориясына жататын азаматтар арасынан – 389 адам білім грантын алды.

       Жалпы, 46606 талапкер грант иегері атанды.

       Нормативті-құқықтық актілерге сәйкес студенттер қатарына қабылдау жоғары оқу орындарының қабылдау комиссияларымен ағымдағы жылғы 25 тамызға (қоса есептегенде) дейін жүзеге асырылды.

       Жоғары оқу орнына қабылдау кезінде оқуға түсуші грант иегері бола отырып, білім беру бағдарламаларының тиісті тобына енетін білім беру бағдарламасын таңдады.

       Мысалы, «Химия мұғалімдерін даярлау» білім беру бағдарламаларының тобы бойынша грант иегері «Химия» немесе «Химия-Биология» бойынша білім беру бағдарламасын таңдай алды.



  • МЕКТЕП ТҮЛЕКТЕРІ МЕН ТАЛАПКЕРЛЕРГЕ
  • СТУДЕНТТЕРГЕ
  • ДОКТОРАНТУРА МЕН МАГИСТРАТУРАҒА ТҮСУШІЛЕРГЕ
  • ОҚУШЫЛАР МЕН ПЕДАГОГИКАЛЫҚ ҚЫЗМЕТКЕРЛЕРГЕ